Xitay organ köchürüsh sodisi heqqidiki doklatni ret qildi


2006.07.28

Xitay hökümiti jüme küni kanada hökümitining bir sabiq ichki kabénit ministiri bilen bir adwokat teripidin teyyarlan'ghan falun'gung muritlirining ichki organlirini sétish weqesi rast yüz bergenlikige'a'it doklatni ret qildi.

Xitayning otawadiki bash elchixanisining bayanatchisi jang wéydung shinxu'a axbarat agéntliqigha deywid kilgor we adwokat deywid matas teripidin teyyarlan'ghan bu doklatni " intérnétte bar uchurlarni we kanadadiki falun'gong muritliri teminligen nersilerni asas qilghan" dep eyiblidi. Shinxu'a axbarat agéntliqining eskertishiche, xitay elchixanisining bayanatchisi, doklatta bezi sheherler toghra tilgha élinmighan we bu ,doklatning ishenchlik derijisige guman tughdurmaqta,dep tenqidligen.

Deywid kilgor bilen deywid mataslar bu ayning bashliri élan qilghan doklatta, xitay da'irilirini mehbuslarning ichki organlirini, bolupmu türmidiki falun'gung muritlirining ichki organlirini satmaqta, dep eyibligen idi. Ular bir qatar doxturxana we türmiler üstidin 2 ay tekshürüsh élip barghandin kéyin bu xulasini chiqarghan. Lékin jang wéydungning eskertishiche, junggo adem organizimini köchürüsh mesilisige " nahayiti éhtiyatchan we mes'uliyetchanliq" tuyghusi bilen mu'amile qilmaqtiken.

Xitay hökümiti 1999 - yili falun'gong teriqitini chekligendin béri, bu teriqetke zerbe bérip kelmekte. Falun'gung bu yilning bashliri xitay hökümitini türmidiki teriqet muritlirining ichki organlirini sétish bilen eyibligen idi. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.