Америка хитайни адәм әткәсчилики вә қуллар әмгикиниң мәнбәси вә мәнзил дөлити қатарида тилға алди


2006.06.06

Америка ташқий ишларминистирлиқи хитайни әрләр, аяллар вә балилар заманивий қуллуқ әмгикигә вә паһишилиққа мәҗбурлинидиған дөләтләр тизимликигә киргүзди. Ташқий ишлар министирлиқи хитайни адәм әткәсчиликиниң мәнбә дөлити вә мәнзили, дәп көрсәтмәктә.

Америка ташқий ишлар министирлиқи дүшәнбә күни елан қилған " адәм әткәсчилики " һәққидики доклатида, хитайда адәм әткәсчиликиниң көп қисими мәмликәт ичидә елип берилсиму, лекин хитайлар дуняниң һәрқайси җайлирида мәҗбурий әмгәккә селинмақта, дәйду. Доклатта әскәртишичә, хитай паһишилири тәйвән, тайланд, малайшия вә японийә қатарлиқ дөләтләрниң җинси мулазимәт базириға йиғилған шундақла хитай даирилири бу мәсилини бир тәрәп қилиш үчүн әң әқәллий тәдбир елип бақмиған.

Доклатта америка , хитайниң адәм әткәсчилики билән күрәш қилиш, тәкшүрүш вә әткәсчиләрни җазалаш мәсилисидики " көтүрәңгү роһини" махтиди. Лекин доклатта, хитай әң әқәллий өлчәмгә тошидиған дөләтләр қатаридинму орун алалмиған. Ташқий ишларминистирлиқиниң доклатида хитайниң " чегра һалқиған адәм әткәсчиликигә қарши тәдбир алғанлиқини испатлайдиған пакит йоқ" дәйду. Америка ташқий ишларминистирлиқи һәр йили һәр қайси дөләтләрниң адәм әткәсчилики билән күрәш қилиш ипадисини баһалимақта.

Әгәр хәлқара өлчәмгә хилаплиқ қилған дөләтләр болса америка уларға имбарго қоюши мумкин. Хитай ташқий ишлар министирлиқи баянатчиси лю җйәнчав, хитайниң бу мәсилидә хәлқара җәмийәт билән һәмкарлишидиғанлиқини билдүрди. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.