Хитайда аял вә балиларни сетиш қилмиши әвҗ алмақта


2006.12.07

Әнхуй өлкилик алий сот мәһкимиси йеқинда, 6 нәпәр бирмилиқ адәм әткәсчилириниң аялларни сетиш җинайити үстидин сот ечип, уларни айрим - айрим һалда мүддәтсиз вә мүддәтлик қамақ җазасиға һөкүм қилған.

Шинхуа агентлиқиниң хәвиридә нәқил кәлтүрүшичә, ма әйләй қатарлиқ 6 нәпәр бермилиқ , 23 нәпәр бермилиқ қизни хитайға алдап елип келип, охшаш болмиған баһада башқиларға сетивәткән.

Хәвәрләрдин мәлум болушичә, чегра районидики қолайлиқ шараиттин пайдиланған адәм бидиклири изчил түрдә хитай , берма вә вейтнам арисида аял вә балиларни сетиш қилмишлири билән шуғуллинип келиватқан болсиму, әмма хитай һөкүмити өз дөлити ичидики адәм бидиклиригә йетәрлик зәрбә берәлмигән.

Адәм бидиклири, вейтнам билән чегрилинидиған гуаңши өлкиси вә берма билән чегрилинидиған әнхуй өлкисини адәм содиси мәркизи қиливалған, пәқәт 2005 ‏- йили гуаңши өлкисидә йүз бәргән аял вә балиларни сетиш дилоси 125 қетимға йәткән.

Уйғур сиясий паалийәтчилири, нөвәттә ишқа орунлаштуруш, мәктәпкә орунлаштуруш баһанисида нурғунлиған уйғур қизлириниң , хитай өлкилиригә алдап елип кетиливатқанлиқини, болупму хитайниң башқа дөләтләр билән чегрилинидиған районлирида бу әһвалниң еғир икәнликини инкас қилмақта.

Көзәткүчиләр, хитайға сетилидиған аял вә балиларниң асаслиқ вейтнам, моңғулийә, непал қатарлиқ дүләтләрдин елип келинидиғанлиқини, хитай аяллириниң болса асаслиқ тайланд, малайшия, сингапур вә тәйвәнләргә сетилидиғанлиқини шундақла хитайниң аял вә балиларни сетиш җинайәтлири барғансери еғирлап дуня буйичә адәм әткәсчилики әң еғир болған тайланттинму ешип кетиши мумкинликини илгири сүрмәктә. (Әқидә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.