Xitay hökümiti, xu jintawgha ochuq xet yazghan xitay adwukatining shirkitining pa'aliyitini toxtatti


2005.11.07
Share on WhatsApp
Share on WhatsApp

Xitay da'iriliri, xitay dölet re'isi xu jintaw we bash ministiri win jyabawgha falunggong muritlirini basturushni toxtitish toghrisida ochuq xet yazghan xitay adwokati gaw jéshingning adwokatliq shirkitining pa'aliyitini toxtatti.

Gaw jéshingning ayalining düshenbe küni roytiris agéntliqigha bildürüshiche, jüme küni béyjing edliye tarmaqliri, adrés özgertkenlikini waqtida hökümetke xewer qilmighan dégen bahane bilen gaw jéshingning adwokatliq shirkitining pa'aliyitini bir yil toxtitip qoyghan.

Uning éytishiche, öktebir éyida, béyjing sheherlik hökümiti gaw jéshingdin, xu jintaw we wén jyabawgha yazghan ochuq xétini qayturuwilishni telep qilghan. Lékin u hökümetning bu telipini ret qilghan. Bu weqedin uzun ötmeyla béyjing edliye xadimliri gaw jéshingning idarisigha kélip, ulargha shirkitining pa'aliyitining bir yil toxtitilghanliqi heqqidiki uqturushni bildürgen.

Gaw jéshng özining adwokatliq shirkitini 2002 - yili qurghan bolup, hazir uning shirkitide 13 adwokat ishleydiken.

Bezi közetküchiler, gaw jéshingning, gwangdung ölkisi teyshi yézisida xelq bilen xitay saqchiliri otturisidiki toqunushlardin kéyin, mezkur yéza ahalisining adwokatliqini öz üstige alghanliqi, uning shirkitining pa'aliyitining toxtitilishida muhim rol oynighan bolushi mumkin déyishmekte. (Qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.