Adwokatlar kishilik hoquqi pa'aliyetchi qarghu chéng gu'angchingning sotini bayqut qildi

Junggo da'iriliri ema kishilik hoquq pa'aliyetchisi chéng gu'angchingning 3 aqlighuchi adwokatini tutqun qilghan we chéng gu'angching bilen körüshüshni chekligendin kéyin, adwokatlar sendungning yinnen nahiyiside jüme küni bashlan'ghan chéng gu'angchingning sotigha qatnishishni bayqut qildi.

Sot 2 sa'et dawam qilghan, lékin sot mehkimisi uning üstidin höküm chiqarmighan. Adwokat jang lixuy sot jeryanigha qatnashmighan bolsimu, lékin chéng gu'angchingning 2 tuqquni sotqa ishtirak qildi. Chéng gu'angching jem'iyet tertipini buzush, ammining mal - mülkige ziyan sélish qatarliq jinayetler bilen eyiblemekte. Lékin uning qollighuchiliri bu eyibleshlerni töhmet, dep ret qilghan.

Adwokat jang lixuy, chéng gu'angchingning sotini " bu sot qilchilik adalet asasi bolmighan, asasiy qanundiki hoquqlargha xilap sot " deydu. Uning eskertishiche, ular bu sotqa qatnishishni ret qilish arqiliq naraziliqini ipadiligen. Jang lixuyni öz ichige alghan 3 kishilik adwokatlar guruppisi béyjingdin sendunggha kélip chén gu'angchingni aqlimaqchi idi. Saqchilar ularni peyshenbe küni tutqun qilghan we yanchuqchiliq qildi, dep eyiblep, kéyinrek qoyup bergen.

Junggoda kishilik hoquqni qoghdash ittipaqi, dep atilidighan bir teshkilat, chén gu'angching bu yil 6 - ayda resmiy qolgha élin'ghandin kéyin ochuq xet élan qilip, xitay da'iriliridin bu ema pa'aliyetchini qoyup bérishni telep qilghan idi. (Erkin)