Хитайдики мәшһур әма адвокат әрз қилип утуп чиққан


2006.11.01

Б б с ниң хәвәр қилишичә, сәндуң өлкисидә хәлқниң һоқуқини қоғдаш буйичә изчил паалийәт елип барған әма адвокат чен гуаңчең әпәнди буйил 8 ‏- айниң 24 ‏- күни, йинән наһийилик сот мәһкимиси тәрипидин ' қатнаш тәртибини қалаймиқанлаштурған' дәп әйиблинип 4 йиллиқ қамақ җазасиға, йәнә 'омумниң мүлкини қәстән бузған' дәп әйиблинип 7 айлиқ қамақ җазасиға һөкүм қилинған иди.

Мәзкур әма адвокатниң адвокати ли җинсоң әпәнди учур вастилириға ' линйи вилайәтлик оттура сот мәһкиси 10 ‏- айниң 10 ‏- күни , йинән наһийилик сот мәһкимисиниң 193 ‏- нумурлуқ һөкүмнамисини әмәлдин қалдурди. Бу ,бизниң әдли- адаләт тоғрисидики етиқадимизниң, хиянәтчи-чирик әмәлдарларға қарши елип барған хәлқ һоқуқини қоғдаш һәрикитимизниң вә пүтүн дунядики һәққанийәтчи күчләрниң актип қоллиғанлиқиниң ғәлибиси болди' дәп җакарлиған. (Вәли)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.