Кишилик һоқуқ тәшкилати хитайни адвокатларға қойған чәклимисини йоқ қилишқа үндиди


2006.12.12

Мәркизи нюйорутики кишилик һоқуқ тәшкилати дүшәнбә күни доклат елан қилип, хитай һөкүмитини адвокатларға қойған бир қисим чәклимилирини йоқ қилишқа чақирди.

Мәзкур доклатта көрситилишичә, бу йил 3 ‏- айда, хитай һөкүмити йеңи бәлгилимә чиқарған болуп, адвокатларни һөкүмәт сияситигә нарази һәққидики делоларға арлишиштин чәклигән.

Кишилик һоқуқ күзәткүчилириниң көрситишичә, бейҗиң һөкүмитиниң адвокатларға бундақ чәклимә қойишидики сәвәб, йеқинқи йиллардин буян болупму йәр -зимин мәсилиси түпәйлидин һөкүмәткә наразилиқ билдүргүчиләр барғансери көпәйгән, шундақла адвокатларниң йәр - зиминсиз қалған деһқанлар вә иштин бошутиливәткән ишчиларға вакаләтлик қилип, уларниң дәрдини юқири дәриҗилик һөкүмәт орунлириға йәткүзидиған әһвалму күнсери омумлашқан.

Кишилик һоқуқ тәшкилатиниң дүшәнбә күни елан қилған бу доклатида "хитай һөкүмитиниң мәхсус бәлгилимә чиқирип, адвокатларни өз һоқуқидин мәни қилиши өзиниң әдилийә түзүмигә хилаплиқ қиливатқанлиқини көрситип бериду" дәп тәкитлинип" хитай һөкүмитини бу хил қилмиши пәқәт адвокатларниңла мәнпәәтигә әмәс, бәлки давагәр деһқан‏- ишчиларниңму мәнпәәтигә болған зор дәпсәндилик " дәп билдүрүлгән. (Меһрибан)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.