Kishilik hoquq teshkilati xitayni adwokatlargha qoyghan cheklimisini yoq qilishqa ündidi

Merkizi nyuyorutiki kishilik hoquq teshkilati düshenbe küni doklat élan qilip, xitay hökümitini adwokatlargha qoyghan bir qisim cheklimilirini yoq qilishqa chaqirdi.

Mezkur doklatta körsitilishiche, bu yil 3 ‏- ayda, xitay hökümiti yéngi belgilime chiqarghan bolup, adwokatlarni hökümet siyasitige narazi heqqidiki délolargha arlishishtin chekligen.

Kishilik hoquq küzetküchilirining körsitishiche, béyjing hökümitining adwokatlargha bundaq cheklime qoyishidiki seweb, yéqinqi yillardin buyan bolupmu yer -zimin mesilisi tüpeylidin hökümetke naraziliq bildürgüchiler barghanséri köpeygen, shundaqla adwokatlarning yer - ziminsiz qalghan déhqanlar we ishtin boshutiliwetken ishchilargha wakaletlik qilip, ularning derdini yuqiri derijilik hökümet orunlirigha yetküzidighan ehwalmu künséri omumlashqan.

Kishilik hoquq teshkilatining düshenbe küni élan qilghan bu doklatida "xitay hökümitining mexsus belgilime chiqirip, adwokatlarni öz hoquqidin men'i qilishi özining ediliye tüzümige xilapliq qiliwatqanliqini körsitip béridu" dep tekitlinip" xitay hökümitini bu xil qilmishi peqet adwokatlarningla menpe'etige emes, belki dawager déhqan‏- ishchilarningmu menpe'etige bolghan zor depsendilik " dep bildürülgen. (Méhriban)