Türmidiki xitay öktichining adwokati urup zexmilendürüldi

Xitay türmisidiki ema öktichi chin gu'angchingning adwokati li jinsung we li fangping charshenbe küni tang seherde sendungning linyi shehiridin béyjinggha kétip barghan uzun yolluq aptobusta, bir top salahiyiti melum bolmighan kishiler teripidin tömür toqmaqlar bilen qattiq urulup, éghir yarilanduruldi.

Béyjingdiki eydiz pa'aliyetchisi xu jyaning melum qilishiche, ching gu'angchinning bu ikki awdokati bashqilar teripidin urulghanda, qol, put we köz, bash qisimliri éghir yarilan'ghan.

Mezkur qanliq weqe yüz bérip, saqchigha derhal melum qilin'ghan bolsimu, saqchilar neq meydan'gha öz waqtida kelmey, 11 sa'et kéchikip kelgen. Saqchilar kélipmu yarilan'ghuchilarning isim yaki turush orni qatarliq su'allarnimu sorimighan. Hetta ulardin mezkur weqening qandaq yüzbergenlikinimu sorap qoymighan. Béyjingliq eydiz pa'aliyetchisi xu jya " mezkur weqeni keltürüp chiqarghuchilar emeliyette saqchilarning özi " dep bildürdi.

Ema öktichi chin gu'angching pilanliq tughut mesilisi heqqidiki bir qisim ishlarni ashkarilighanliqtin, bu yil 8 ‏- ayda sendung yinen sot mehkimisi teripidin uninggha "dölet mal mülkige ziyan yetküzdi" dégen bahane bilen 4 yilliq qamaq jazasi bérilgen. Uning awdokati li jinsung we li fangping bu heqte nurghun pakitlargha ige iken. (Méhriban)