Afghanistandiki xitay ishchiliri qoralliq hujumgha uchridi

Afghanistanning shimaliy rayonidiki badjis ölkiside ishlewatqan xitay dölet igilikidiki 14 ‏- ‏tömür yol shirkitining ishchiliri 2 ‏- dékabir küni yerlik waqit sa'et 9 yérim etrapida, du'ab kentidiki qarimay asfalit ileshtürüsh ornida bir top namsiz qoralliq kishilerning hojumigha uchrighan.

Neq meydandiki xitay ishchiliri bilen bille bolghan afghanistan amanliqni qoghdash saqchiliri qoralliq xadimlargha qarita qaytarma zerbe bergen. Ikki terep otturisidiki jeng bir yérim sa'et dawamlashqan.

Afghanistanda turushluq xitay tömür yol 14 ‏- shirkitidiki xadimlarning bildürüshiche, weqe yüz bergen mezgilde'ular 40 kilométir yiraqliqtiki bixeter jaygha chékin'genliktin, ishchilar arisida ölüsh yaki yarilinish hadisi yüz bermigen. (Méhriban)