Афғанистандики хитай ишчилири қораллиқ һуҗумға учриди


2006.12.05

Афғанистанниң шималий районидики бадҗис өлкисидә ишләватқан хитай дөләт игиликидики 14 ‏- ‏төмүр йол ширкитиниң ишчилири 2 ‏- декабир күни йәрлик вақит саәт 9 йерим әтрапида, дуаб кәнтидики қаримай асфалит иләштүрүш орнида бир топ намсиз қораллиқ кишиләрниң һоҗумиға учриған.

Нәқ мәйдандики хитай ишчилири билән биллә болған афғанистан аманлиқни қоғдаш сақчилири қораллиқ хадимларға қарита қайтарма зәрбә бәргән. Икки тәрәп оттурисидики җәң бир йерим саәт давамлашқан.

Афғанистанда турушлуқ хитай төмүр йол 14 ‏- ширкитидики хадимларниң билдүрүшичә, вәқә йүз бәргән мәзгилдәулар 40 километир йирақлиқтики бихәтәр җайға чекингәнликтин, ишчилар арисида өлүш яки ярилиниш һадиси йүз бәрмигән. (Меһрибан)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.