Afghanistan prézidénti xitayni ziyaret qildi

Afghanistan prézidénti xemid karzay yekshenbe küni béyjinggha yétip kélip, xitaydiki 4 künlük ziyaritini bashlidi.

Amérika birleshme agéntliqining melum qilishiche, karzay düshenbe küni xitay dölet re'isi xu jintaw, xelq qurultiyi da'imiy komitétining mudiri wu banggo we xitayning memliketlik siyasiy kéngesh re'isi jya chinglin qatarliq yuqiri derijilik emeldarlar bilen körishidiken. Siyasiy analizchilar ularning söhbet jeryanida ikki dölet munasiwiti, zeherlik chékimlik we térrochiliqqa qarshi turush hemkarliqi qatarliq rayonluq we xelq'araliq témilarda pikir almashturidighanliqi mölcherlenmekte.

Xemid karzay bu qétimliq xitay sepiride béyjingdin sirt yene, Uyghur éligimu ziyaretke baridiken. Uyghur éli bilen afghanistan qismen ortaq chégragha ige bolup, amérika 2001‏- yili taliban hakimiyitini aghdurghandin buyan, xitay hökümiti afghanistan bilen bolghan munasiwetni yaxshilashqa tiriship keldi.

Xemid karzay ötken hepte shangxeyde ötküzülgen shangxey hemkarliq teshkilatining bashliqlar yighinigha hemde shenbe küni bolsa almatida ötküzülgen asiya hemkarliq yighinigha qatnashqan idi. (Peride)