Xitay tashqi ishlar ministirining afriqa ziyariti énérgiye isteshni meqset qilidu

Xitay tashqi ishlar ministiri li jawshing charshenbe küni afriqidiki 6 dölet ziyaritini bashlidi. Uning bu qétimliq sepirining asasliq meqsiti énérgiye menbesi mol bu qit'ediki döletler bilen bolghan énérgiye jehettiki hemkarliqni kücheytish boldi.

Li jawshing bu bir heptilik sepiride afriqidiki ikki chong néfit döliti bolghan nigériye bilen liwiyeni hemde libiriye, mali, sénégal we yéshil tumshuq jumhuriyitini ziyaret qilidu.

Xitayning téz sür'ette éshiwatqan iqtisadiy tereqqiyati uning néfit, tebi'iy gaz we yaghach matériyallirigha bolghan éhtiyajini zor ashurdi. Shu sewebtin afriqa hazir xitayning muhim énérgiye menbesige aylanmaqta. Shundaqla ötken hepte xitay déngiz-okyan néfit shirkiti 2 milyard 300 milyon dollar bilen nigériyining 45% néfit qidirish hoquqini sétiwaldi.

Xitayning afriqa döletliridiki énérgiye türlirige séliwatqan meblighi téz sür'ette éshiwatqan bolup, yoqarqi döletlerdin bashqa yene, sudan, aljiriye we misir qatarliq döletler bilen bolghan énérgiye alaqisimu barghanséri kücheymekte. (Peride)