Хитай һөкүмити пуқралирини қанунсиз намайиш өткүзмәсликкә агаһландурди


2005-04-15
Share

японийә ташқи ишла министири хитайни зиярәт қилишниң һарписида, хитай һөкүмити уқтуруш чүшүрүп, пуқралирини кейинки бир нәччә күн ичидә японийигә қарши һөкүмәтниң тәстиқидин өтмигән һәр қандақ намайиш өткүзмәсликкә агаһландурди.

Ройтирис агентлиқиниң хәвиригә қариғанда, хитайниң һәр қайси торбәтлиридә җүмә күни хитай җамаәт хәвпсизлик министирлиқиниң мәзкур уқтуруши елан қилинған. Уқтурушта, сақчи даирилири пуқралар намайиш өткүзүш үчүн чоқум җамаәт хәвпсизлик органлириниң рухситини елиши керәкликини билдүрүп, хилаплиқ қилғучиларниң җазалинидиғанлиқини агаһландурған.

Хәвәргә қариғанда, хитай, японийә вә җәнубий корийиниң әмәлдарлири бу һәптиниң ахири бейҗиңда йиғин ечип, өз- ара мунасивәтлирини музакирә қилиду. Бу мунасивәт билән ,хитайдики бир қисим паалийәтчиләр һәр қайси чоң шәһәрләрдә японийигә қарши кәң көләмдә намайиш өткүзүшни пиланлаватқан болуп, улар интернет арқилиқ кишиләрни намайишқа чақирмақта.

Хитай һөкүмитиниң бу уқтуруш елан қилиништин бир һәптә илгири хитай пуқралири японийиниң хитайға һуҗум қилиш тарихи һәққидә өзгәртиш киргүзүлгән тарих дәрслик китабини мақуллиши вә б д т бихәтәрлик кеңишиниң даимий әзалириға киришигә қарши кәң көләмдә намайиш өткүзгән. Намайишта һәтта зораванлиқ вәқәләр йүз бәргән иди.

Бу арида, америкиниң бейҗиңда турушлуқ баш әлчиханисиму, хитайдики америка пуқралирини хитайда бу һәптиниң ахири өткүзилидиған японийигә қарши намайишлардин һошяр болушқа чақирип, японийигә қарши намайишниң чәтәлликләргә қарши намайишқа айлинип кетиш еһтималлиқини билдүргән.(Арзу)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт