Хитайдики әйдиз кесәллики билән юқумланғанлар өткән йилдикидин 50% дин артуқ ашқан


2005-11-28
Share

Хитай дөләтлик әйдиз кесәлликиниң алдини елиш вә давалаш комитетиниң мудири ваң лоңдениң йәкшәнбә күни хитай сәһийә хадимлириниң бейҗиңда өткүзгән бир йеғинда қилған сөзидә, хитайдики әйдиз кесәллики билән юқунланғучилар саниниң сентәбир ейиниң ахириғичә 630,135 кишигә йәткәнликини билдүрди. Һалбуки өткән йили сентәбир ейиниң ахириғичә әйдиз кесәллики билән юқумланғанларсани 89067 иди.

Хәвәрләргә қариғанда, хитайдики әйдиз кесәллики билән юқумланғанларсани юқирида көрситилгәндин хилила көп болуп, буларниң наһайити аз бир қисми давалиниш имканийитигә игә боливатиду.

Ройтирис агентлиқиниң хәвәр қилишичә, һәтта хитайниң муавин баш министири ву йи өзиму һөкүмәтниң хитайда әйдиз кесәллики билән юқумланғанларниң сани һәққидә бәргән мәлумат билән кесәллик билән юқумланғанларниң хитайдики һәқиқий сани арисида көп пәрқ барлиқини етирап қилип, бу иш һөкүмәтниң әйдиз кесәлликигә қарши күришини қйинлаштурмақта деди. Униң ейтишичә, әгәр бу кесәллик билән йоқумланғанлар билән бу кисәлликтин азаплиниватқанларниң ениқ сани билинмисә , бу кесәлликниң алдини елиш вә мәзкур кесәллик билән юқумланғанларни давалаш ишни мувапиқ давамлаштуруш наһайити қийин. (Қанат)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт