Xitaydiki eydiz késelliki bilen yuqumlan'ghanlar ötken yildikidin 50% din artuq ashqan


2005-11-28
Share

Xitay döletlik eydiz késellikining aldini élish we dawalash komitétining mudiri wang longdéning yekshenbe küni xitay sehiye xadimlirining béyjingda ötküzgen bir yéghinda qilghan sözide, xitaydiki eydiz késelliki bilen yuqunlan'ghuchilar sanining séntebir éyining axirighiche 630,135 kishige yetkenlikini bildürdi. Halbuki ötken yili séntebir éyining axirighiche eydiz késelliki bilen yuqumlan'ghanlarsani 89067 idi.

Xewerlerge qarighanda, xitaydiki eydiz késelliki bilen yuqumlan'ghanlarsani yuqirida körsitilgendin xilila köp bolup, bularning nahayiti az bir qismi dawalinish imkaniyitige ige boliwatidu.

Roytiris agéntliqining xewer qilishiche, hetta xitayning mu'awin bash ministiri wu yi özimu hökümetning xitayda eydiz késelliki bilen yuqumlan'ghanlarning sani heqqide bergen melumat bilen késellik bilen yuqumlan'ghanlarning xitaydiki heqiqiy sani arisida köp perq barliqini étirap qilip, bu ish hökümetning eydiz késellikige qarshi kürishini qyinlashturmaqta dédi. Uning éytishiche, eger bu késellik bilen yoqumlan'ghanlar bilen bu kiselliktin azapliniwatqanlarning éniq sani bilinmise , bu késellikning aldini élish we mezkur késellik bilen yuqumlan'ghanlarni dawalash ishni muwapiq dawamlashturush nahayiti qiyin. (Qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet