Xitay budda din sahesidikiler hökümettin eydiz mehbuslirini kechürüm qilishni telep qildi

Xitayning chaghan bayrimi yétip kélish bilen bir waqitta, xitaydiki eydiz mesilisini yéqindin közitip kéliwatqan budda dini sahesidikiler hökümetni türmidiki eydiz késilige giriptar bolghan mehbuslarni kechürüm qilishqa chaqirmaqta.

Eydiz apiti eng éghir bolghan xénen ölkisini uzun yil közitip kelgen jénzu budda din jem'iyiti qutquzush ömikidiki miyaw jyshi chaghan mezgilide sebdashlirigha chaqiriq xiti yézip, birlikte xitay dölet re'isi xu jintawgha xet yézip, uningdin türme azabini tartiwatqan eydiz mehbuslirini kechürüm qilishni telep qilishni otturigha qoydi.

Mezkur chaqiriq xitide, inaq jem'iyet qurup chiqishta, aldi bilen rehimdil bolush kérek. Türmidiki eydiz bimarliri pütünley ümidsiz halette qalghan. Hökümet ularni jazalash bilen bir waqitta, insanperwerlik nuqtisidin bolsimu, ulargha yéterlik ghemxorluq qilish kérek -dep körsitilgen. Mezkur chaqiriq xétide yene, hökümettin, bundin kéyin eydiz pa'aliyetchisi xu jya qatarliqlarni nazaret qilmasliqini, ularning xizmitige yol échip bérishi kéreklikini otturigha qoyghan.

Uyghur élidin bériliwatqan munasiwetlik xewerlerdin melum bolushiche, yéqinqi yillardin buyan , mezkur jaydiki eydiz weziyiti intayin éghir halette bolup, memliket boyiche aldinqi orun'gha ötken. Shundaqla Uyghur élidiki türmilerde yétiwatqan mehbuslarning melum bir qismini eydiz késilige giriptar bolghuchilar igiligen. (Méhriban)