Җоңго банкисидин 645 милйон йүән пул алдап кетилди

Бейҗиңдики бир өй- земин ширкитиниң җоңго банкиси бейҗиң шөбисидин 645 милйон йүән қәрз соммисини алдап кәткәнлики ашкариланди.

Америка бирләшмә ахбарат агентлиқиниң хәвиригә қариғанда, җоңго банкисиниң бейҗиң шөбиси бейҗиң хуайүнда өй- зимин ширкитигә үч йил авал һәшәмәтлик аһалә райони қурулуши үчүн қәрз бәргән.

Хуа йүнда ширкити қәрз елиш җәрянида, илгири кийин болуп хизмәтчилириниң нами билән сахта өй елип- сетиш тохтими ясаш, сахта кирим испатлирини тәминләш қатарлиқ васитиләрни ишләткән вә алдап алған қәрз соммилирини башқа җайға йөткәп кәткән.

Җуңго банкисиниң бейҗиң шөбиси кейин буни байқап алақидар органларға дилони мәлум қилған һәмдә қәрз беришкә мәсул әмәлдарлирини иштин бошатқан.

Хәвәрдә ейтилишичә, хитайниң банкилирида алдамчилик дилолири бир қәдәр көп көрүлүватқан болуп, бу дилолар банкиларни нәччә милярд йүән зиян тартқузмақта. Әң чоң бир дилода, америкидин қайтурулған бир хитай банка әмәлдари өткән йили банкиниң 485 милйон америка доллирини оғрилаш дилосиға четишлиқ дәп әйибләнгән. (Арзу)