Jonggo bankisidin 645 milyon yü'en pul aldap kétildi

Béyjingdiki bir öy- zémin shirkitining jonggo bankisi béyjing shöbisidin 645 milyon yü'en qerz sommisini aldap ketkenliki ashkarilandi.

Amérika birleshme axbarat agéntliqining xewirige qarighanda, jonggo bankisining béyjing shöbisi béyjing xu'ayünda öy- zimin shirkitige üch yil awal heshemetlik ahale rayoni qurulushi üchün qerz bergen.

Xu'a yünda shirkiti qerz élish jeryanida, ilgiri kiyin bolup xizmetchilirining nami bilen saxta öy élip- sétish toxtimi yasash, saxta kirim ispatlirini teminlesh qatarliq wasitilerni ishletken we aldap alghan qerz sommilirini bashqa jaygha yötkep ketken.

Junggo bankisining béyjing shöbisi kéyin buni bayqap alaqidar organlargha diloni melum qilghan hemde qerz bérishke mes'ul emeldarlirini ishtin boshatqan.

Xewerde éytilishiche, xitayning bankilirida aldamchilik diloliri bir qeder köp körülüwatqan bolup, bu dilolar bankilarni nechche milyard yü'en ziyan tartquzmaqta. Eng chong bir diloda, amérikidin qayturulghan bir xitay banka emeldari ötken yili bankining 485 milyon amérika dollirini oghrilash dilosigha chétishliq dep eyiblen'gen. (Arzu)