Хитай аләм кемиси "муқәддәс - 6 " йәр йүзигә қайтип кәлди


2005.10.17
Share on WhatsApp
Share on WhatsApp

Хитайлар қоюп бәргән " муқәддәс - 6 " намлиқ аләм кемиси бәш күнлүк аләм бошлуқи сәпиридин кейин дүшәнбә күни әтигән саәт 4:30 ларда йәр йүзигә қайтип кәлгән болуп, аләм кемисидики учқучи фей җүнлоң билән шйе хәйшиң, ички моңғулға бихәтәр қонған. Бу хитайниң йеқинқи икки йил ичидә иккинчи қетим адәмлик аләм кемиси қоюп бериши болуп һесаблиниду.

Аләм учқучилири шу күни дағдуға билән бейҗиңға елип берилған вә бейҗиңдики мәлум бир һәрбий базида уларниң йәр шариға қайтип келишини қарши елиш үчүн орунлаштурулған мурасимға қатнашқан. Мурасимға хитай дөләт мудапиә министири сав гаңчүән иштирак қилған.

Аләм учқучилири йәр йүзигә қайтип кәлгәндин кейин, хитай даирилири 2007 - йили хитай аләм учқучилириниң аләм бошлуқида меңиш мәшғулати елип баридиғанлиқини җакарлиди. Бу чәтәл мәтбуатлириниң диққитини қозғимақта.

Көзәткүчиләрниң әскәртишичә, хитай даирилири аләмгә учуш пиланиниң мувапиқийитини тәшвиқ қилиш арқилиқ хитай милләтчиликини урғутуп, компартийигә мәдһийә яғдурушни мәқсәт қилидикән. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.