Xitay hökümiti hamilidar bolghan qiz oqughuchilar aliy mekteplerdin chiqirilishini cheklidi

Xitay hökümiti hamildar bolghan qiz oqughuchilarning unwérsitétlardin chiqirilishini cheklidi. Xitay hökümiti teripidin chiqirilghan bir oxturushta,' uniwérsitétlar, hamilidar bolghan qiz oqughuchilarni onwérsitéttin chiqarmay, yéngi toghulidighan balilirini nopusqa aldurush mesilside oqughuchilargha yardem bérishi kérek', déyilgen.

Oxturushta, ana we balining ten salametlikige kapaletlik qilish üchün, qiz oqughuchilargha hamildarliq mezgilide waqitliq mektepni toxtitip turushi tewsiye qilin'ghan.

Xitay döletlik nopusi idarisi, pilanliq tughut komitéti, ma'arip minstirliqi we jama'et xewipsizlik ministirliqi teripidin birlikte chiqirilghan uxturushta, oqughuchilar ning yéngi tughulghan balilirini qandaq nopusqa aldurush mesilsi'i belgilen'gen bolup, oxturushqa asasen, oqughuchi er-ayallar toghulidighan balilirini deslepte ata-aniliri yashawatqan jayda nopusqa aldurup, oqush tügigendin kéyin, özliri yashaydighan yerde qaytidin nopusqa alduralaydiken hemde ular balilirini mekteptimu baqalaydiken.

Xitay ma'arip minsitirliqi onwérsitétlarda toy qilmasliq we bala almasliq toghrisidiki cheklimini 2003‏- yili 1‏- öktebir küni bikar qilghan idi. Lékin saqchi idarilirida unwérsitét oqughuchilirining yéngi toghulghan balilirini nopusqa aldurush mesilsi'i heqqide bir belgilimisi yuq idi.

Yéqinda Uyghur aptonom rayonida onwérsitéttiki qiz oqughuchilarning hamildarliq tekshürüshidin ötüshke mejburlinishi ata-anilarning qattiq naraziliqigha uchrighan bolup, bu naraziliq netijiside unwérsitét we aliy mektepler bundaq tekshürüshni bikar qilghan idi. (Ömer qanat)