Teywen ,amérika mu'awin tashqi ishlar ministirining sözini ehmiyetsiz körsitishke tirishti


2004-12-23
Share

Teywen da'iriliri peyshenbe küni amérikining mu'awin tashqi ishlar ministiri richard armitichning sözini ehmiyetsiz qilip körsitishke tirishti. Richard armitich teywenni amérika-xitay munasiwitidiki bir mina dep teswirlep, eger xitay teywen'ge hojum qilsa, washin'gtonning teywenni mudapi'e qilishi hajet emes dep körsetken idi.

Teywenning bash ministiri yuw shikün we tashqi ishlar ministiri chin tangshen peyshenbe küni arqa- arqidin bayanat élan qilip, amérikining teywen'ge qaratqan siyasitining özgermeydighanliqini tekitlidi.

Amérika hökümiti 1979 - yili teywen bilen diplomatik munasiwitini üzgen bolsimu, biraq " teywen munasiwetler qanuni" boyiche, teywen'ge qoral sétip bérishni dawamlashturghan. Amérika prézidénti jorj bush ilgiri teywen xitayning hojumigha uchrighan shara'itta, teywenni qoghdaydighanliqini bildürgen.

Biraq armitichning sözliri amérikining teywen'ge qaratqan siyasitide özgirish boldimu digendek gumanlarni qozghighan. Amérika tashqi ishlar ministirliqining bayanatchisi charshenbe küni bu heqte bergen bayanatida, armitichning peqet amérikining siyasitini qayta tekitligenlikini körsetti.

Buningdin sirt, fransiye axbarat agéntliqining teywende yéngidin élip bérilghan bir qétimliq xelq rayini sinashning netijisini neqil keltürishiche,٪ 40 amma xitaydin ayrilip, heqiqiy musteqil bolushni ümid qilidiken.٪ 68 Eger xitay bilen teywen otturisida urush partilisa, urushqa qatnishishni xalaydiken.(Arzu)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet