Америка тәйвәнгә сетип бәргән уруш парахотини бу йил йәткүзмәкчи


2005.08.16

Америка тәйвәнгә сетип бәргән 4 данә уруш парахотиниң иккисини бу йилниң ахириғичә тәйвәнгә йәткүзидикән.

Америка бирләшмә агентлиқиниң хәвиригә қариғанда, америкиниң бу кид типлиқ башқурулидиған бомбиларни елип йүрәләйдиған уруш парахотиниң һәр бири 8 миң тонна еғирлиқта болуп, америка һәрбий даирилири буни бу йил 11 - айда тәйвәнгә тапшуруп беридикән. Шундақла америка тәйвәнниң 1000 ға йеқин деңиз армийә хадимлирини уруш парахотларни қандақ ишлитиш тоғрисида мәхсус бир йил чениқтуридикән.

Бу уруш парахотлири 1998 - йили америка деңиз армийисидин қелип қалған болуп, тәйвән һәрбий даирилири 2001 - йили бу 4 данә уруш парахотини 800 милйон америка доллириға сетивалған иди. Бу парахотларда йәнә башқурулидиған бомба, афтомат вә һава һуҗумиға қарши туруш әслиһәлири бар икән.

Тәйвән даирилири бу уруш парахотлирини асаслиқи, хитайниң һуҗумиға тақабил туруш иқтидарини ашуруш үчүн сетивалған. Әмма тәйвәндики өктичиләр буниңға қарши чиқип, бу парахотларниң окян урушида ишлитилидиғанлиқини, буниң икки қирғақ урушиға мас кәлмәйдиғанлиқини тәкитлимәктә. (Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.