Amérika teywen'ge sétip bergen urush paraxotini bu yil yetküzmekchi


2005-08-16
Share

Amérika teywen'ge sétip bergen 4 dane urush paraxotining ikkisini bu yilning axirighiche teywen'ge yetküzidiken.

Amérika birleshme agéntliqining xewirige qarighanda, amérikining bu kid tipliq bashqurulidighan bombilarni élip yüreleydighan urush paraxotining her biri 8 ming tonna éghirliqta bolup, amérika herbiy da'iriliri buni bu yil 11 - ayda teywen'ge tapshurup béridiken. Shundaqla amérika teywenning 1000 gha yéqin déngiz armiye xadimlirini urush paraxotlarni qandaq ishlitish toghrisida mexsus bir yil chéniqturidiken.

Bu urush paraxotliri 1998 - yili amérika déngiz armiyisidin qélip qalghan bolup, teywen herbiy da'iriliri 2001 - yili bu 4 dane urush paraxotini 800 milyon amérika dollirigha sétiwalghan idi. Bu paraxotlarda yene bashqurulidighan bomba, aftomat we hawa hujumigha qarshi turush esliheliri bar iken.

Teywen da'iriliri bu urush paraxotlirini asasliqi, xitayning hujumigha taqabil turush iqtidarini ashurush üchün sétiwalghan. Emma teywendiki öktichiler buninggha qarshi chiqip, bu paraxotlarning okyan urushida ishlitilidighanliqini, buning ikki qirghaq urushigha mas kelmeydighanliqini tekitlimekte. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet