Хитай, америка билән болған мунасивәтлирини яхшилашни халайдиғанлиқини билдүрди


2006.03.07
Share on WhatsApp
Share on WhatsApp

Хитай ташқи ишлар министири ли җавшиң, сәйшәнбә күни бейҗиңда бәргән баянатида, хитайниң иқтисадий вә сиясий җәһәттин күчийиши қошна дөләтләр үчүн тәһдит әмәс, әксинчә қошна дөләтләрниң тәрәққияти үчүн пайдилиқ, деди

Ли җавшиң хитай хәлқ қурултийиниң йиллиқ йеғини җәрянида өткүзгән мухбирларни күтүвелиш йеғинида, хитай һөкүмитиниң америка билән мунасивәтлирини техиму яхшилашни халайдиғанлиқини тәкитләп, гәрчә америка билән хитай оттурисида сода мәсилси, тәйвән, кишилик һоқуқ қатарлиқ мәсилиләрни өз ичигә алған бир йүрүш мәсилиләрдә җиддий ихтилаплар мәвҗут болсиму, әмма икки дөләт һәмкарлишидиған вә ортақ мәнпәәткә игә болған нурғун мәсилиләр бар. Биз мунасивәтлиримизни техиму күчәйтиш, мәвҗут ихтилаплиримизни һәл қилиш үчүн америка тәрәп билән ишләшкә тәйяр, деди.

Хитай ташқи ишлар министири баянатида йәнә, иран хәлқара атом енергийә идариси билән йеқиндин һәмкарлишип, ядро ихтилапини һәл қилиши керәк, деди.

Хәвәрләргә қариғанда, хитай ташқи ишлар министири хитай дөләт рәиси ху җинтавниң келәр ай америкиға қилмақчи болған тунҗи рәсмий зиярити һарписида, америка билән болған мунасивәтләр тоғрисида мулайим бир позитисйә тутқан болуши мумкин. (Қанат)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.