Xitay ammiwiy teshkilatlarning xelq'ara türlerge qatnishishini cheklidi

Royétris agéntliqining peyshenbe künidiki xewirige qarighanda , xitaydiki eydizdin mudapi'elinish ammiwiy teshkilatlirining bildürüshiche, hökümet ularni xelq'ara eydizdin mudapi'elinish türlirige qatnishish hoquqidin mehrum qaldurghan.

Xewerde éytilishiche, "xelq'ara eydiz we tubirkilyuzdin mudapi'elinish yer shari fondi" , mezkür türler boyiche pa'aliyet élip bériwatqan ammiwiy teshkilatlarni iqtisadiy we meniwiy jehettin qollash xizmitini üstige alghan bolup, xitay hökümiti eydizdin mudapi'elinish teshkilatlirini hökümetsizlik qilghan dep qattiq eyiblesh bilen birge, hetta ularning mezkür fondining yighinigha qatnishishinimu chekligen.

Royétrs agéntliqining tekitlishiche, " xelq'ara eydiz we tobirkulyuzdin mudapi'elinish yer shari fondi" her qaysi ammiwy teshkilatlarni iqtisadiy jehette teminleydighanliqi üchün xitaydiki ammiwiy teshkilatlar ularning özlirini iqtisad bilen teminlishini ümid qilip kelgen iken.

Nöwette xitayda eydiz we tobirkulyuzdin mudapi'elinish pa'aliyiti élip bériwatqan ammiwiy teshkilatining sani 60 qa yétidu, ular charshenbe küni béyjingda bir arigha kélip, wekil saylap "xelq'ara eydiz we tobirkulyuz " fondining pa'aliyitige qatnishishni pilan qilghan , biraq xitay hökümiti ularning bu pilanining emelge éshishigha yol qoymighan. (Eqide)