Б д т хәлқара ана тил күни бу йил хитайда тәбриклиниду


2006-02-17
Share

Хитай һөкүмити уйғур аптоном районида башланғуч мәктәпләрдин тартип алий билим юртлириғичә уйғур тилини чәкләватқан бир чағда, б д т ниң бу йилқи хәлқара ана тил күнини тәбрикләш паалийити хитайда өткүзилиду.

Б д т маарип вә пән мәдәнийәт идарисиниң бейҗиңда турушлуқ әмәлдари сүн лейниң әскәртишичә, кишиләр дуня бойичә 6000 дин 10000 ғичә болған ана тилда сүзләшсиму, әмма бу тилларниң йерими өлмәктә яки йоқалмақта икән.

Б д т 1999 - йили 21 - феврални хәлқара ана тил күни қилип бекиткәндин бери, һәр йили шу күни охшимиған дөләтләрдә тәбрикләш паалийити елип берилмақта иди. Сүн лей, җүмә күни бейҗиңда ахбарат елан қилиш йиғини чақирип, бу йилқи тәбрикләш паалийитиниң хитайда өткүзүлидиғанлиқини билдүрди. У, " хәлқара җәмийәт йәрлик ана тиллар вә мәдәнийәтниң көп хиллиқини қоғдаш мәсилисидә қийинчилиққа дуч кәлмәктә " дәйду.

Җуңго хәлқара маарип алмаштуруш җәмийитиниң юқири дәриҗилик әмәлдари зуң гаң, җуңгониң ана тил вә көп хил мәдәнийәтләр мәвҗут болуп туруш мәсилисидә йәршарилишишниң тәсиридин келип чиққан риқабәт вә пурсәтләргә дуч келиватқанлини билдүргән. Хитай даирилири аз санлиқ милләтләр тили хитай асаси қануни тәрипидин қоғдилидиғанлиқини тәкитлисиму, әмма бейҗиң һөкүмити 11 - синтәбир вәқәсидин кейин уйғур аптоном районида уйғур тилини маарип сепидин сиқип чиқиришқа башлиди.

Уйғур аптоном райони партикоминиң секритари ваң лечүән, йеқинда буни 100 йиллиқ пилан, дәп атиди вә һәр қандақ бәдәл төләшкә қаримай әмәлийләштүрүлидиғанлиқини билдүрди. Хәлқара ана тил күнини тәбрикләш паалийәтлири бейҗиң тил вә мәдәнийәт университитида елип берилиду. Шу күни җуңголуқ мутәхәссисиләр вә чәтәллик алимлар илмий йиғинға тәклип қилинип, тил маарипи қатарлиқ мәсилиләрни музакирә қилидикән. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт