Лоңваң деңиз чапқунида аз дегәндә 50 адәм өлди


2005.10.04
Share on WhatsApp
Share on WhatsApp

Хитайда лоңваң деңиз чапқунида һазирғичә аз дегәндә 65 адәм өлүп, из дерәксиз йоқалғанлар бир қанчә онға йәтти. Деңиз чапқунида хитай қораллиқ сақчи қисимлириниң фуҗудики бир мәктипини латқа бесивелип, мәктәптики 59 нәпәр сақчи ғайиб болған иди.

Франсийә ахбарат агентлиқиниң хәвәр қилишичә, даириләр сәйшәнбә күнигичә латқа астида қалған сақчилардин 50 кишиниң җәситини тапқан. Һазирғичә из дерәксиз йоқалғанлар 36 гә йәтти. Қораллиқ сақчиларни латқа бесивелиш вәқәсидин кейин, хитай дөләт рәиси ху җинтав, ғайиб болған сақчиларни пүтүн күч билән издәш тоғрисида буйруқ чүшүргән. Даириләр һәрбийләр, қораллиқ сақчилар вә йәрлик аһалилар болуп 7 миң кишини сәпәрвәр қилди.

Франсийә ахбарат агентлиқиниң хәвәр қилишичә, өлүм - йитим вә вәқәниң тәпсилатиға даир хәвәрләрни шинхуа ахбарат агентлиқи бир туташ контрол қилған болуп, йәрлик мәтбуатларниң бу тоғрисида хәвәр беришигә чәклимә қоюлған. Хитай һөкүмити деңиз чапқуни йетип келиштин бурун 500 миң пуқрани фуҗйәнниң деңиз бойидики районлардин тарқақлаштурди. Шинхуа ахбарат агентлиқиниң хәвәр қилишичә, деңиз чапқунида 5500 йүрүш өй вәйран болған. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.