Бу йил ичидә хитай бойичә 1247 адәм кәлкүн апитидә өлди


2005.10.07
Share on WhatsApp
Share on WhatsApp

Франсийә ахбарат агентлиқиниң хәвәр қилишичә, хитай дөләтлик кәлкүндин мудапиә көрүш қоманданлиқ мәркизи, бу йил ичидә хитай бойичә 1247 адәм кәлкүн апитидә өлүп, 331 кишиниң из дерәксиз йоқалғанлиқини, 2001 милйон киши кәлкүн апитиниң тәсиригә учриғанлиқини елан қилған.

Хитай даирилириниң ашкарилишичә, 1 милйон 170 миң еғиз өй өрүлгән болуп, келип чиққан иқтисади зиян 16 милярд 800 милйон юәнгә йетидикән. Хәвәрләргә қариғанда хитайниң җәнубидики районларда йүз бәргән деңиз чапқуниниң өзидила 190 адәм өлгән.

Хитайниң һөкүмәт зувани шинхуа ахбарат агентлиқиниң хәвәр қилишичә, фуҗйән өлкисиниң мәркизи фуҗудики хитай қораллиқ сақчи қисимлириниң бир мәктипини латқа бесивелиш вәқәсидә өлгән сақчилар 80 гә йәткән. Бәш сақчиниң һазирға қәдәр из дерики йоқ икән.

Хитай һөкүмити йеқинда буниңдин тәбий апәтләрдә өлгән адәм сани дөләт мәхпийәтлики һесабланмайдиғанлиқини җакарлап, хитай мәтбуатлириниң санлиқ мәлумат елан қилишиға йол қойидиғанлиқини билдүргән иди. Әмма көзәткүчиләр хитайниң уйғур аптоном райони вә тибәткә охшаш районларда йүз бәргән тәбиий апәтләрдә бу вәдисигә әмәл қилишидин гуман қилмақта. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.