Хенәндики бир йәслидә қәстән от қоюш вәқәси йүз берип 3 бала өлди


2006.05.08

Хитайниң хенән өлкисидики мәлум бир йәслидә дүшәнбә күни қәстән от қоюш вәқәси йүз берип, 3 бала өлгән вә 13 и яриланған.

Америка бирләшмә агентлиқиниң хәвәр қилишичә, хенәнниң гоң йи наһийисидики19 яшлиқ бәй ниңяң исимлик бири бу йәрдики бир йәсли синипиға кирип ишикни ичидин тақап туруп, өзи елип кәлгән газ қутисиға от яққан. Нәтиҗидә 5 яшлардики 3 оғул бала от апитидә өлгән вә 10 нәччиси яриланған.

Нөвәттә сақчилар бәй ниңяңни қолға алған вә бу вәқә үстидин тәкшүрүш елип бармақта икән. Лекин улар бу кишиниң немә сәвәбтин от қоюш вәқәсини садир қилғанлиқини техи ениқлап болмиған. Хитайдики мәктәпләрдә йеқинқи йиллардин буян мушуниңға охшаш от қоюш, оқуғучиларни гөрүгә елиш вә пичақ селиштәк җинайи һәрикәтләр көпийип қалғачқа, хитай һөкүмити бу йил 3‏- айдин башлап мәктәпләргә сақчиларни постқа қоюшни җакарлиған иди.

Өткән йили өктәбирдә бир киши әнхүйдики мәлум бир мәктәпкә кирип, өйдә ясалған 6 данә тапанча билән оқуғучиларға қаритип оқ чиқарған иди. Хитайдики бу хил вәқәләрниң көпүнчиси кишиләрниң шәхсий аччиғини чиқириш яки һөкүмәттин нарази болуш сәвәбидин келип чиқидикән. (Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.