Shendongdiki ikki chong bixeter ishlepchiqirish weqeside éghir ölüm yétim körüldi


2007-08-21
Share

Shandong ölkisi zuping kentige jaylashqan bir qeley quyma zawutida 19 - awghust küni ettigende qeley éritmisi chiqip kétish weqesi yüz bérip , 20 - awghustqiche zawuttiki 14 ademning ölüshi hem 59 ademning éghir yarilinishini keltürüp chiqarghan.

B b s agéntliqining buninggha da'ir bergen xewiride zuping nahiyisining hakimi fen yüning sözini neqil keltürüshiche , yaridar ishchilar nahiyidiki ikki chong doxturxanida qutquzmaqta iken. Emma u yaridarlarning ehwali heqqide ochuq toxtilishni ret qilghan.

Mezkur weqe zawutida yekshenbe küni yerlik waqit 8din 10 minut ötkende 900sélsiye gradusluq qeley éritmisi tuyuqsiz téship kétish seweblik yüz bergen. Bu chaghda 82 neper ishchi ish üstide iken. Éritme bilen par zawutni bir demdila is tütün qaplighan hemde yuqiri témpératurida zawutning bezi tüwrüklirimu érip örülgen.

20 - Awghust yene shendongning shingtey xu'ayu'en kan mehsulatliri shirkitige qarashliq bir kanda su bésip kétish weqesi yüz bérip, 584 neper ishchi qéchip chiqqan bolsimu emma 172 neper ishchi kan astida qalghan.

Mezkur weqe yüz bergenlikige üch kün bolsimu hazirghiche bu 172 neper ishchining hayat yaki emesliki éniqlanmighan. Kan ishchilirining bildürüshiche kanni 20 métir chongqurluqta su basqan. Weqe heqqide yerlik da'iriler amérika awazi radi'osigha, weqe éniqlanmighiche chet'el muxbirlirigha jawab bérishke bolmaydighanliqini bildürgen.

Xitay ishlepchiqirish bixeterlikige mes'ul orunlarning élan qilishiche 2006 - yili bir yildila ish üstide ölgenler 110 ming bolup, bu künige 320 ademdin toghra kélidiken.(Gülchéhre)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet