Xitay aq tashliq kitabida kompartiye hakimiyitini dawamlashturidighanliqidin signal berdi

Xitay hökümiti charshenbe küni xitayning siyasiy démokratiye qurulushi heqqide tünji qétim aq tashliq kitab élan qilip, özining dölet qurulghandin buyanqi démokratik qurulush jehette qolgha keltürgen "netijiliri" ni teshwiq qildi.

Fransiye axbarat agéntliqining xewirige qarighanda, xitay hökümiti 74 betlik bu aq tashliq kitabi arqiliq asasliqi néme üchün xitay kompartiyisining rehberliki xitaydiki bir milyard 300 milyon xelq üchün paydiliq dégen nuqtini chüshendürüshke urun'ghan. Bu aq tashliq kitab shundaqla, xitay kompartiyisining bir partiye mutleq hakimiyitidin waz kechmeydighanliqini körsitidiken.

Aq tashliq kitabta, "xitayning sotsiyalizmche siyasiy démokratiye qurulushi junggoche alahidilikke ige. Xitayning démokratiyisi xitay kompartiyisining rehberlikidiki xelq démokratiyisi" dep körsitilgen.

Mezkur aq tashliq kitabta yene, xitay hökümitining xitay bolmighan milletlerge qaratqan siyasitimu alahide tilgha élinip, " az sanliq milletlerge bikitken qanunlirimiz ular üchün intayin paydiliq" déyilgen. Emma tenqidchiler, xitay hökümitining " muqimliq hemmini bésip chüshidu" dégenni bahane qilip, öz qanunlirinimu ijra qilmaydighanliqini eyiblimekte. (Arzu)