Xitay " tinchliq tereqqiyat yoli" namliq aq tashliq kitab élan qildi

Béyjing da'iriliri peyshenbe küni "junggoning tinchliq tereqqiyat aq tashliq kitab" ini élan qilip, "bu kitabning élan qilinishi xelq'ara jem'iyetning junggoni chüshinishige yardem béridu" dep bildürdi.

Aq tashliq kitabta "junggo dunyadin ayrilalmaydu, oxshashla dunyamu ronaq tépish üchün junggogha muhtaj bolidu" dep otturigha qoyulghandin sirt yene, xitayning yadro qoralliri, herbiy, iqtisadiy, kishilik hoquq we ediliye - qanun qatarliq jehetlerde xelq'ara jem'iyetler bilen hemkarlishiwatqanliqi hemde bezi namrat döletlerge yardem qolini suniwatqanliqi alahide tekitlen'gen.

Aq tashliq kitabta gerche démokratiyini ilgiri sürüsh teshebbüs qilin'ghan bolsimu, biraq teywen'ge qoral ishletmeslik we döletning kishilik hoquq xatirisi shuningdek siyasiy öktichilerning pa'aliyetliri hemde diniy erkinlik toghriliq héchnerse déyilmigen.

Xitay hökümiti kishilik hoquq we diniy erkinlikni yaxshilimasliqi sewebidin, izchil türde kishilik hoquq shuningdek xelq'ara teshkilatlarning tenqidige uchrap kelmekte. (Eqide)