Кишилик һоқуқни көзитиш тәшкилати бейҗиңда аққунлар пәрзәнтлири мәктәплириниң тақалғанлиқини әйиблиди


2006.09.26

Кишилик һоқуқни көзитиш тәшкилати бейҗиң шәһири даирилириниң 2008 - йилдики бейҗиң олимпик йиғиниға тәйярлиқ көрүш үчүн йеқинқи икки һәптә ичидә 50 тин артуқ аққунлар пәрзәнтлири мәктипини тақиғанлиқини әйиблиди.

Мәзкур тәшкилатниң әскәртишичә, бу һәрикәт аққунлар пәрзәнтлирини тәлим - тәрбийә елиш пурситидин мәһрум қилған. Бейҗиң шәһири даирилири сентәбирниң ахирлириғичә аққунлар мәктәплирини тақашни қарар қилди.

Кишилик һоқуқни көзитиш тәшкилатиниң асия ишлири мәсули софия ричардсен, "бейҗиң 2008 - йилдики олимпик йиғини үчүн 5 милярд доллар сәрп қиливатқан болсиму, лекин аққунлар пәрзәнтлириниң асаси кишилик һоқуқини рәт қилмақта" дәп көрсәтти вә буниң олимпик йиғини нами астида елип бериливатқанлиқини билдүрди.

Кишилик һоқуқни көзитиш тәшкилатиниң әскәртишичә, бейҗиң шәһиридики тизимға алдурмиған 239 аққунлар мәктипидә 90 миң дин артуқ аққунлар пәрзәнтлири оқумақта икән. Лекин хитай һөкүмити кишилик һоқуқни көзитиш тәшкилатиниң әйиблишини рәт қилди.

Хитай ташқи ишлар министирлиқи баянатчиси чин гаң, "дөләтниң өлчимигә тошмайдиған мәктәпләрни тақаш аққунлар пәрзәнтлириниң тәлим - тәрбийә елиш һоқуқини техиму қоғдиғанлиқтур" дәйду. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.