Kishilik hoquqni közitish teshkilati béyjingda aqqunlar perzentliri mekteplirining taqalghanliqini eyiblidi

Kishilik hoquqni közitish teshkilati béyjing shehiri da'irilirining 2008 - yildiki béyjing olimpik yighinigha teyyarliq körüsh üchün yéqinqi ikki hepte ichide 50 tin artuq aqqunlar perzentliri mektipini taqighanliqini eyiblidi.

Mezkur teshkilatning eskertishiche, bu heriket aqqunlar perzentlirini telim - terbiye élish pursitidin mehrum qilghan. Béyjing shehiri da'iriliri séntebirning axirlirighiche aqqunlar mekteplirini taqashni qarar qildi.

Kishilik hoquqni közitish teshkilatining asiya ishliri mes'uli sofiya richardsén, "béyjing 2008 - yildiki olimpik yighini üchün 5 milyard dollar serp qiliwatqan bolsimu, lékin aqqunlar perzentlirining asasi kishilik hoquqini ret qilmaqta" dep körsetti we buning olimpik yighini nami astida élip bériliwatqanliqini bildürdi.

Kishilik hoquqni közitish teshkilatining eskertishiche, béyjing shehiridiki tizimgha aldurmighan 239 aqqunlar mektipide 90 ming din artuq aqqunlar perzentliri oqumaqta iken. Lékin xitay hökümiti kishilik hoquqni közitish teshkilatining eyiblishini ret qildi.

Xitay tashqi ishlar ministirliqi bayanatchisi chin gang, "döletning ölchimige toshmaydighan mekteplerni taqash aqqunlar perzentlirining telim - terbiye élish hoquqini téximu qoghdighanliqtur" deydu. (Erkin)