Хитайниң рәиси аргентина дөләт мәҗлисидә нутуқ сөзлиди


2004.11.18
Share on WhatsApp
Share on WhatsApp

Хитайниң дөләт рәиси хуҗинтав чаршәнбә күни аргентина дөләт мәҗлисидә сөз қилип, хитай билән аргентина иқтисадий һәмкарлиқиниң күчәйгәнликини қарши алидиғанлиқини билдүрди.

Хуҗинтав сөзидә, хитайниң аргентина билән болған ситирагийилик мунасивитигә әһмийәт беридиғанлиқини тәкитләп, икки дөләтниң кәлгүси һәмкарлиқини күчәйтишкә ишәнчиси барлиқини көрсәткән.

Буниң алдидила, аргентина әмәлдарлири хитай даирилириниң аргентинаға кийинки он йил ичидә,20 милярд долларға йеқин мәбләғ селишқа қошулғанлиқини ашкарилиған иди.

Хитай дөләт рәиси хуҗинтав сәйшәнбә күни аргентина қаратқан икки күнлүк зияритини башлиған болуп, у пәйшәнбә күни кәчтә чилигә қарап йолға чиққан. Хуҗинтав чилида асия-тинч окян иқтисадий һәмкарлиқ тәшкилатиға әза дөләт рәһбәрлириниң ғәйрий рәсмий йиғиниға қатнишиду. (Арзу)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.