Asiya longqisi putbol musabiqisidiki zorawanliq weqesi tekshürülüshke bashlidi

Xitay jama'et xewpsizlikining bayanatchisi xaw chiyongning jüme küni ashkarlishiche, xitay saqchi da'iriliri béyjingdiki asiya longqisini talishish putbol musabiqisida yüz bergen zorawanliq weqesi üstidin tekshürüsh élip bérishni bashlighan.

Xitay qanunlirining puqralar topliship weqe tughdurushqa yol qoymaydighanliqini tekitligen xaw chiyong, jama'et xewpsizlik organlirining weqe tughdurghuchilarni qanun boyiche tépip chiqidighanliqini ilgiri sürdi.

Amérika axbarat agéntliqining xewer qilishiche, bu yil 8 - ayning 7 - küni béyjingdiki ishchilar tenterbiye sariyida ötküzülgen asiya longqisini talishish musabiqisida, xitay komandisi 3 qarshi bir netije bilen yaponiye komandisigha utturiwetkenidi. Netijide xitay putbol mestaniliri yaponiye bayriqini köydürgen, yaponiye diplomatlirining mashinilirini weyran qilghan. Xaw chiyong, bu xildiki weqeler xitayni öz ichige alghan hemme döletlerde yüz bérip turidu dédi.

Xaw chiyong, xitay qanunliri puqralarning topliship zorawanliq weqelirini tughdurushigha yol qoymaydu dégen bolsimu, biraq xitay saqchiliri ötken yili shi endiki ali mektep oqughuchilirining yaponiyilik oqughuchilargha hujum qilishini tosmighan. Aldinqi yili shi'endiki Uyghur oqughuchilarmu xitay oqughuchilarning hujumigha uchrighanda, mektep da'iriliri xitay oqughuchilargha yan bésish bilen eyiblen'gen. (Erkin)