Xitay hökümiti chet'el uchur waste shirketlirining meblegh sélishigha yol qoyush heqqide yéngi belgilime chiqardi

Xitay hökümiti pat arida chet'el uchur waste shirketlirining xitay bazirigha kirishini chekleydighan belgilimisini bikar qilip, chet'el shirketlirining xitaydiki kino- tilwiziyichilik sahesige meblegh sélishigha yol qoyidighanliqini bildürdi.

Firansiye axbarat agéntliqining bildürishiche, xitayning yéngi belgilimisi 11 - ayning 28 - künidin bashlap küchke ige bolup, bu amérikining waykom (VIACOM) disniy we xewerchilik gorohi qatarliq chet'el axbarat wastilirining xitay bazirigha kirishige yol échip béridiken.

Yéngi belgilime boyiche, chet'el shirketliri xitaydiki télwéziye progiramma ishlesh shirketlirining 49% pay chékini igellishige yol qoyulidiken.

Biraq xitay hökümiti, koministik partiyining hakimiyitige birer tehdid yitishidin qattiq endishe qilidighanliqi üchün, chet'el shirketlirining xewer we siyasiy mesililerge alaqidar progirammmilarni ishlishige qatnishishini yenila chekleydiken. (Arzu)