Хитайда радио - телевизийә истансилириниң чәтәл мәтбуат органлири билән һәмкарлишиши чәкләнди


2005.07.13
Share on WhatsApp
Share on WhatsApp

Хитай дөләт кабинтиниң радио - телевизийә идариси чаршәнбә күни йеңи бәлгилимә чиқирип, һәр қайси өлкә вә аптоном районлардики радио - телевизийә қаналлирини чәтәл мәтбуат органлириға иҗаригә беришни чәклиди шундақла чәтәл мәтбуатлириниң һәр қайси өлкә вә аптоном районларда шу җайдики мәтбуатлар билән һәмкарлишип, программа ишлишигә болмайду, дәп агаһландурди. Бу нәқ мәйдандин берилидиған программиларниму өз ичигә алидикән. Бирақ бу бәлгилимә мәркизи радио истансиси вә телевизийә қаналлирини өз ичигә алмайду.

Йеңи бәлгилимә елан қилинғандин кейин, йәрликдики бир қисим телевизийә истансилири чәтәл ширкәтлири билән түзгән бәзи тохтамларни бикар қилишқа мәҗбур болған. Әмма хитай даирилириниң һазир ишлиниватқан программиларни қандақ бир тәрәп қилидиғанлиқи һазирчә мәлум әмәскән.

Көзәткүчиләр, йеңи бәлгилимини даириләрниң мәтбуат саһәсини контрол қилиш тиришчанлиқиниң бир қисими, дәп көрсәтмәктә. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.