Хитай өткән йили 79 хил гезитни чәклигән


2006-01-18
Share

Хитай коммунист һөкүмити өткән бир йилниң ичидә 79 хил гезитни чәкләп, тәхминән 169 милйон парчә нәшр материялини мусадирә қилған.

Америка бирләшмә агентлиқиниң хәвиригә қариғанда, хитай коммунист партийисиниң нәшрият мәһкимә башлиқи лю сөзидә, даириләрниң қанунсиз нәшир қилиш әһвалиға қаттиқ зәрбә берип, мәдәнийәт базирини тазилаш керәкликини ейтти. У йәнә, әқлий мүлүкни қоғдаш җәһәттики тиришчанлиқниму күчәйтиш зөрөрликини тәкитлиди.

Шинхуаниң бу һәқтики хәвиридә һәтта бәзи орунларниң җазаға тартилғанлиқи йезилсиму, лекин қандақ җазаланғанлиқи вә чәкләнгән нәшр материяллириниң немиләрни көрситидиғанлиқи тәпсилий чүшәндүрүлмигән.

Хитай һөкүмитиниң мәтбуатқа болған контроллуқи һәр қайси кишилик һоқуқ тәшкилатлири изчил әйибләп келиватқан бир мәсилә болуп, болупму хитайниң йеқинқи бир нәччә йиллардин буян интернеткә болған контроллуқи вә интернет язғучилириға болған бастуруши әң көп тәнқидкә учриди. (Пәридә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт