Xitay yashlar gézitining mexsus sani toxtiwétildi


2006.01.25
Share on WhatsApp
Share on WhatsApp

Xitay hökümiti yéqinda "xitay yashlar géziti"ning oqurmenler teripidin köp alqishqa ériship kelgen "bingdiyen" deydighan mexsus sanini taqiwetken. Bu gézit 10 yilliq tarixqa ige bolup, uningda jem'iyet mesililirini tekshürüsh xaraktérlik axbarat maqaliliri yüreklik bilen élan qilghanliqi üchün, bu gézit oqurmenlerning keng alqishigha érishken idi.

Bu gézit seyshenbe küni xitay hökümiti teripidin jiddiy buyruq bilen taqiwétilgen. Téxi buning aldidila xitaydiki erkin sözleshke jür'et qilalaydighan yene bir metbu'at ‏- shingjin gézitining bash muherriri yang wu xizmitidin élip tashlan'ghan idi. Bu ehwallar xitay hökümitining metbu'atqa bolghan kontrolluqni téximu kücheytiwatqanliqidin dérek béridu.

"Xitay yashlar géziti" ning bu heptilik mexsus sani jem'iyet ri'alliqini eks ettürüsh, töwen qatlamdiki xelqlerning ehwaligha köngül bölüsh we chiriklikni pash qilish jehette körünerlik maqalilerni élan qilip, xelq ammisining alqishigha érishken bolup, bu sanning bash muherriri li datong ötken yili 8‏- ayda ochuq xet yézip, "xitay yashlar géziti" ning bezi belgilimilirini eyibligen idi.

Bash shitabi fransiyidiki " chégrasiz muxbirlar teshkilati" yéqinda chiqarghan 2005‏- yilliq doklatida, xitayning axbarat erkinlikige bolghan kontrolluqini eyiblep, axbarat erkinliki jehette xitayning dunya boyiche arqidin sanighanda 9‏-orunda turidighanliqini körsetken. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.