Xitay, bir amérikiliq xitay sodigirini jasusluq bilen eyiblep qolgha aldi


2005.08.19
Share on WhatsApp
Share on WhatsApp

Xitay da'iriliri yéqinda amérikiliq xitay sodiger shyé chünrénni, teywen'ge jasusluq qilip bergen dégen jinayet bilen eyiblep qolghan alghan.

Amérikining béyjingda turushluq elchixanisining jüme küni ashkarilishiche, shyé chünrén xitay saqchiliri teripidin bu yil 31 - may küni chéngdu shehiride qolgha élin'ghan bolup, shundin buyan u öyde nezerbentke élin'ghan.

Shyé chünrénning amérikidiki oghli, xitay da'irilirining ilgiri jasusluq bilen qolghan élin'ghan déywid dong wéyning délosini tekshürüsh jeryanida, uning dadisini xata tutqun qilghanliqini bildürdi. U yene, dadisi dong bilen uzun yilliq dost bolsimu, lékin ularning körüshmiginige hazir 10 yil bolup qalghanliqini hemde ularning arisida héchqandaq alaqe qalmighanliqini eskertti.

Xitay da'iriliri dawamliq dégüdek kishilerni teywen'ge jasusluq qilghan dep eyiblep turidighan bolup, dong wéy xitaylar teripidin jasusluq jinayiti bilen eyiblinip 2003 - yili qolgha élin'ghan idi. Amérika elchixanisi nöwette, shyé chünrénning délosigha yéqindin köngül bölüwatqanliqini hemde uning amérikidiki a'ilisi bilen alaqiliship turiwatqanliqini melum qildi. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.