Хитай ахбарат әркинликидә дуня бойичә арқидин саниғанда 9 - орунда туриду‎


2005-10-20
Share

Баш шитаби париждики "чегрисиз мухбирлар тәшкилати" ниң пәйшәнбә күни елан қилған ‎‎2005 - йилидики дөләтләрниң ахбарат әркинлики селиштурма тизимликидә, хитай арқидин ‎саниғанда 9 - орунни игилиди. ‎

Чегрисиз мухбирлар тәшкилатиниң бу селиштурмисидин мәлум болушичә, бу йил ахбарат ‎әркинлики җәһәттә алаһидә яхши һесаблинидиған дөләтләрниң һәммиси яврупа икән. ‎Һалбуки русийә, оттура асиядики дөләтләр бу тизимликтә арқидики орунда туридикән. ‎

Шәрқий асия дөләтлири ичидә хитай арқидин саниғанда 9 -, вейтнам 10 -, шималий корийә ‎болса 1 - орунда санилип, дуняда ахбарат әркинлики әң чәкләнгән дөләт һесабланған. ‎Мәзкур тәшкилатниң билдүрүшичә, бу дөләтләрдики мухбирларниң вәзийити мүшкүл ‎болуп, һөкүмәт вә яки қораллиқ горуһлар мәтбуатларниң әркин паалийәт елип беришини ‎чәкләйдикән. ‎

Тизимликтә арқидин саниғанда әң арқида туридиған хитай қатарлиқ бир қанчә дөләтләрдә ‎болса, мухбирлар пәқәт һөкүмәтниң тәшвиқат қорали болуп, шәхсий мәтбуатлар вә сөз ‎әркинлики мәвҗут әмәс икән. (Арзу)‎

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт