Xitay axbarat erkinlikide dunya boyiche arqidin sanighanda 9 - orunda turidu‎

Bash shitabi parizhdiki "chégrisiz muxbirlar teshkilati" ning peyshenbe küni élan qilghan ‎‎2005 - yilidiki döletlerning axbarat erkinliki sélishturma tizimlikide, xitay arqidin ‎sanighanda 9 - orunni igilidi. ‎

Chégrisiz muxbirlar teshkilatining bu sélishturmisidin melum bolushiche, bu yil axbarat ‎erkinliki jehette alahide yaxshi hésablinidighan döletlerning hemmisi yawrupa iken. ‎Halbuki rusiye, ottura asiyadiki döletler bu tizimlikte arqidiki orunda turidiken. ‎

Sherqiy asiya döletliri ichide xitay arqidin sanighanda 9 -, wéytnam 10 -, shimaliy koriye ‎bolsa 1 - orunda sanilip, dunyada axbarat erkinliki eng cheklen'gen dölet hésablan'ghan. ‎Mezkur teshkilatning bildürüshiche, bu döletlerdiki muxbirlarning weziyiti müshkül ‎bolup, hökümet we yaki qoralliq goruhlar metbu'atlarning erkin pa'aliyet élip bérishini ‎chekleydiken. ‎

Tizimlikte arqidin sanighanda eng arqida turidighan xitay qatarliq bir qanche döletlerde ‎bolsa, muxbirlar peqet hökümetning teshwiqat qorali bolup, shexsiy metbu'atlar we söz ‎erkinliki mewjut emes iken. (Arzu)‎