Бейҗиң даирилири чәтәл гезит - жорналлирини хитайда бесип тарқититишқа йол қоюш пиланидин ваз кәчти

Бейҗиң һөкүмити чәтәл гезит - жорналлириниң хитайда нәшр қилинишиға рухсәт қилиш пиланини тохтатқан. Әнгилийә " пул - муамилә гезити" ниң хәвәр қилишичә, даириләр грозийә, украинийә вә қирғизистан қатарлиқ әлләрдики вәқәләрни көздә тутуп, чәтәл гезит - жорналлириға йол қоюш сиясий муқимсизлиққа ярдәмчи болуп қелишидин әнсирәйдикән.

Хитай ахбарат вә нәшрият идарисиниң башлиқи ши җоңйүән, чәтәл мәтбуатлириниң юқириқи дөләтләрдики сиясий боран - чапқунларда ойниған роли, җуңгониң бу пиланни тохтитишиға сәвәбчи болғанлиқини тәкитлигән. У, " рәңлик инқилаблар күшкүрткүчиләрни өйгә киргүзмәслик керәклики шундақла ишикни чиң тақаш лазимлиқини чүшәндүрди. Бу сәвәбтин , биз буниңдин вақитлиқ ваз кәчтуқ" дәйду.

"Пул муамилә гезити" қатарлиқ бир қанчә чәтәл гезит - жорналлири хитайда тарқитилидиған муһим гезитләр болсиму, әмма улар хоңкоңда бесилип хәлқара меһманхана вә айродромларда тарқитилиду.

Бу хәвәр, хитай даирилири 20008 - йилдики бейҗиң олимпик тәнтәрбийә йиғинида чәтәл мәтбуатлириға чәклимә қоюлмайдиғанлиқини җакарлап , бир қанчә күндин кейин елан қилинди. Бу арида мәркизи франсийидики чегрисиз мухбирлар тәшкилати, хитайни дуня бойичә ахбаратчиларниң әң чоң түрмиси, дәп әйиблигән. (Әркин)