Béyjing da'iriliri chet'el gézit - zhornallirini xitayda bésip tarqititishqa yol qoyush pilanidin waz kechti


2005.11.17
Share on WhatsApp
Share on WhatsApp

Béyjing hökümiti chet'el gézit - zhornallirining xitayda neshr qilinishigha ruxset qilish pilanini toxtatqan. En'giliye " pul - mu'amile géziti" ning xewer qilishiche, da'iriler groziye, ukra'iniye we qirghizistan qatarliq ellerdiki weqelerni közde tutup, chet'el gézit - zhornallirigha yol qoyush siyasiy muqimsizliqqa yardemchi bolup qélishidin ensireydiken.

Xitay axbarat we neshriyat idarisining bashliqi shi jongyü'en, chet'el metbu'atlirining yuqiriqi döletlerdiki siyasiy boran - chapqunlarda oynighan roli, junggoning bu pilanni toxtitishigha sewebchi bolghanliqini tekitligen. U, " renglik inqilablar küshkürtküchilerni öyge kirgüzmeslik kérekliki shundaqla ishikni ching taqash lazimliqini chüshendürdi. Bu sewebtin , biz buningdin waqitliq waz kechtuq" deydu.

"Pul mu'amile géziti" qatarliq bir qanche chet'el gézit - zhornalliri xitayda tarqitilidighan muhim gézitler bolsimu, emma ular xongkongda bésilip xelq'ara méhmanxana we ayrodromlarda tarqitilidu.

Bu xewer, xitay da'iriliri 20008 - yildiki béyjing olimpik tenterbiye yighinida chet'el metbu'atlirigha cheklime qoyulmaydighanliqini jakarlap , bir qanche kündin kéyin élan qilindi. Bu arida merkizi fransiyidiki chégrisiz muxbirlar teshkilati, xitayni dunya boyiche axbaratchilarning eng chong türmisi, dep eyibligen. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.