Өзбекистан билән хитай мухбирларниң түрмигә солиниши бойичә дуня чимпийонлири


2005.12.18
Share on WhatsApp
Share on WhatsApp

Нйо-йорктики хәлқаралиқ мухбирларни қоғдаш комитетиниң тарқатқан доклатидин қариғанда, дуня бойичә мухбирларниң түрмигә солиниш әһвали истатистика қилинғанда, хитай биринчи орунни игилигән болса, өзбекистан бәшинчи орунға еришкән. Бу һәқтә хәвәр тарқатқан оттура асиядики пәрғанә агентлиқиниң учуридин қариғанда, һазир хитай түрмисидә 32 нәпәр мухбир қамақта йетиватқан болуп, буларниң көпинчисигә сиясий җинайәт артилған. Униңдин қалса, куба болуп, куба һөкүмити 24 нәпәр мухбирға түрмә җазаси бәргән.

Өзбекистан һөкүмити, 6 мухбирни түрмигә солиған болуп, уларға өзбекистан һөкүмитигә қарши турған вә ялған иғва тарқатқан дегәндәк җинайәтләр артилған.

Өзбекистан һөкүмити 13-майдики әнҗан вәқәсидин кейин мухбирларға һәмдә мәтбуатқа болған контроллуқни техиму күчәйткән болуп әнҗан вәқәсиниң әмәлийити һәққидә сөз қилған һәм учур тарқатқан һәр қандақ киши тәқиплинишкә учриған.

Өзбекистан һазир дунядики сөз вә мәтбуат әркилинлики әң қаттиқ боғулған мәмликәтләрниң бири болуп, бу җәһәттә хитай билән ортақлиққа еришкән (үмидвар).

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт