Özbékistan bilen xitay muxbirlarning türmige solinishi boyiche dunya chimpiyonliri


2005.12.18
Share on WhatsApp
Share on WhatsApp

Nyo-yorktiki xelq'araliq muxbirlarni qoghdash komitétining tarqatqan doklatidin qarighanda, dunya boyiche muxbirlarning türmige solinish ehwali istatistika qilin'ghanda, xitay birinchi orunni igiligen bolsa, özbékistan beshinchi orun'gha érishken. Bu heqte xewer tarqatqan ottura asiyadiki perghane agéntliqining uchuridin qarighanda, hazir xitay türmiside 32 neper muxbir qamaqta yétiwatqan bolup, bularning köpinchisige siyasiy jinayet artilghan. Uningdin qalsa, kuba bolup, kuba hökümiti 24 neper muxbirgha türme jazasi bergen.

Özbékistan hökümiti, 6 muxbirni türmige solighan bolup, ulargha özbékistan hökümitige qarshi turghan we yalghan ighwa tarqatqan dégendek jinayetler artilghan.

Özbékistan hökümiti 13-maydiki enjan weqesidin kéyin muxbirlargha hemde metbu'atqa bolghan kontrolluqni téximu kücheytken bolup enjan weqesining emeliyiti heqqide söz qilghan hem uchur tarqatqan her qandaq kishi teqiplinishke uchrighan.

Özbékistan hazir dunyadiki söz we metbu'at erkilinliki eng qattiq boghulghan memliketlerning biri bolup, bu jehette xitay bilen ortaqliqqa érishken (ümidwar).

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.