Чегрисиз мухбирлар тәшкилати: мухбирларни әң көп чәклигән дөләт ‏- хитай


2006.01.04
Share on WhatsApp
Share on WhatsApp

Мухбирларниң һоқуқ, мәнпәәтини қоғдайдиған хәлқара тәшкилат ‏- чегрисиз мухбирлар тәшкилати 4 ‏- январ күни йиллиқ хуласә доклати елан қилип, 2005 ‏- йили ичидики мухбирларға қилинған зораванлиқ һадисилирини дәриҗигә айрип көрситип өтти. Доклатта, хитай дунядики мухбирларни әң қаттиқ чәклигән дөләт, ирақ мухбирлар үчүн дунядики әң хәтәрлик дөләт дәп елан қилинди.

Мәркизи париждики мәзкүр тәшкилатниң "20 ‏- йиллиқ ахбарат әркинлики" намлиқ бу йиллиқ доклатида, 2005 ‏- йили, мухбирлар һәмдә ахбарат хадимлири 10 йилдин буян әң көп зиянкәшликкә вә тәһдиткә учриған бир йил болди, 68 нәпәр ахбарат хадими өлди. Зиянкәшлик вә тәһдит һадисилири 1300 қетимдин ашти, дәп оттуриға қоюлди.

Доклатта көрситилишичә, хитай гәрчә ирақтәк уруш оти ичидә болмисиму, әмма хитайда мухбирлар башқа бир хил зораванлиқ мәсилисигә дуч кәлмәктә. Оттура шәрқ вә башқа асия дөләтлиригә селиштурғанда хитайда мухбирларниң зораванлиққа учраш һадисилири аздәк көрүнсиму, бирақ хитайниң ахбарат башқуруш түзүмлири охшашла бир хил зораванлиқ һесаблиниду.

Чегрисиз мухбирлар тәшкилати хитай компартийиси тәшвиқат министирлиқиниң йеңи бейҗиң гезитиниң хизмәтлиригә арилишип, тәһрир вә мухбирлар қошунида тазилаш елип барғанлиқиға қаттиқ наразилиқ билдүрди. (Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.