Chégrisiz muxbirlar teshkilati: muxbirlarni eng köp chekligen dölet ‏- xitay


2006.01.04
Share on WhatsApp
Share on WhatsApp

Muxbirlarning hoquq, menpe'etini qoghdaydighan xelq'ara teshkilat ‏- chégrisiz muxbirlar teshkilati 4 ‏- yanwar küni yilliq xulase doklati élan qilip, 2005 ‏- yili ichidiki muxbirlargha qilin'ghan zorawanliq hadisilirini derijige ayrip körsitip ötti. Doklatta, xitay dunyadiki muxbirlarni eng qattiq chekligen dölet, iraq muxbirlar üchün dunyadiki eng xeterlik dölet dep élan qilindi.

Merkizi parizhdiki mezkür teshkilatning "20 ‏- yilliq axbarat erkinliki" namliq bu yilliq doklatida, 2005 ‏- yili, muxbirlar hemde axbarat xadimliri 10 yildin buyan eng köp ziyankeshlikke we tehditke uchrighan bir yil boldi, 68 neper axbarat xadimi öldi. Ziyankeshlik we tehdit hadisiliri 1300 qétimdin ashti, dep otturigha qoyuldi.

Doklatta körsitilishiche, xitay gerche iraqtek urush oti ichide bolmisimu, emma xitayda muxbirlar bashqa bir xil zorawanliq mesilisige duch kelmekte. Ottura sherq we bashqa asiya döletlirige sélishturghanda xitayda muxbirlarning zorawanliqqa uchrash hadisiliri azdek körünsimu, biraq xitayning axbarat bashqurush tüzümliri oxshashla bir xil zorawanliq hésablinidu.

Chégrisiz muxbirlar teshkilati xitay kompartiyisi teshwiqat ministirliqining yéngi béyjing gézitining xizmetlirige ariliship, tehrir we muxbirlar qoshunida tazilash élip barghanliqigha qattiq naraziliq bildürdi. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.